صوبہ سندھ میں تعلیمی اداروں میں کورونا وائرس کے بڑھتے ہوئے رجحان میں مزید 11 کیسز سامنے آئے ہیں۔

تفصیلات کے مطابق کراچی کے ضلع لیاری میں ڈی سی ٹی او اسکول میں کورونا وائرس کے 11 مثبت کیسز سامنے آ گئے ہیں۔

گورنمنٹ بوائز ہائر سیکینڈری اسکول ڈی سی ٹی او میں گزشتہ 2 روز سے اساتذہ کی آئی ٹی ٹریننگ کا عمل جاری تھا۔

گورنمنٹ بوائز ہائر سیکینڈری اسکول ڈی سی ٹی او لیاری کے 6 اساتذہ، 2 آئی ٹی اسٹاف، منیجر، فارمیسی اسسٹنٹ سمیت چوکیدار میں کورونا وائرس کی تصدیق ہو گئی۔

ڈی سی ٹی او اسکول کے 57 تدریسی و غیر تدریسی عملے کے ٹیسٹ کئے گئے تھے جس میں سے 11 مثبت جبکہ 46 کی رپورٹ منفی آئی ہے۔