صدر مملکت کا شیخ رشید کو مبارکباد کے لئے ٹیلی فون

صدر مملکت ڈاکٹر عارف علوی کی جانب سے شیخ رشید کو مشیر داخلہ کے عہدے پر ترقی کی مبارکباد کے لئے ٹیلی فون کیا گیا ہے۔

رابطے کے دوران ڈاکٹر عارف علوی نے شیخ رشید کو وزیر داخلہ بننے پر مبارکباد پیش کی اور کہا ہے کہ امید ہے آپ وزارت داخلہ احسن طریقے سے چلائیں گے۔

انہوں نے کہا ہے کہ آپ جیسا دور اندیش سیاستدان وزارت داخلہ بہتر طور پر چلا سکتا ہے اور امید ہے بطور وزیر داخلہ آپ کی تقرری سے معاملات بہتر ہونگے۔

اسکے علاوہ وفاقی وزراء کی جانب سے بھی شیخ رشیدکو مبارکباد کے ٹیلی فون کیا گیا ہے۔

یاد رہے کہ وزیراعظم عمران خان نے شیخ رشید کی وزارت ریلوے کا قلمدان اعظم سواتی کے سپرد کردیا۔

ذرائع نے بتایا کہ وزارت داخلہ کے لیے فوادچوہدری کا نام بھی سامنے آرہا تھا لیکن اب قرعہ شیخ رشید کے نام نکلا۔

ذرائع نے مزید بتایا کہ بریگیڈیئر (ر) اعجاز شاہ کو وزارت اینٹی نارکوٹکس کنٹرول کا چارج دیدیا گیاہے ۔