معروف صنعتکار سراج قاسم تیلی کے انتقال کے باعث کراچی چیمبر آف کامرس 3 روز کے لئیے بند رہے گا۔

اس ضمن میں کراچی چیمبر کی جانب سے بھی اعلان کیا گیا ہے کہ کراچی چیمبر میں سرگرمیاں تین روز تک معطل رہینگی۔

خیال رہے کہ معروف تاجر رہنما سراج قاسم تیلی کچھ دیر قبل دل کا دورہ پڑنے سے انتقال کر گئے تھے۔

سراج قاسم تیلی ان دنوں دبئی میں تھے جہاں وہ نمونیا کے باعث اسپتال میں زیر علاج تھے اور گذشتہ 2 روز سے وینٹی لیٹر پر تھے۔

سراج قاسم تیلی کو حکومت پاکستان کی جانب سے ان کی معاشی خدمات کے اعتراف پر ستارہ امتیاز سے بھی نوازا گیا تھا۔