وزیر اعلی پنجاب کے معاون خصوصی سردار تنویر الیاس خان نے کہا ہے کہ اپوزیشن جلسوں کی ڈگڈگی کورونا کے بعد بجا لے، کورونا کے اس دور میں معصوم شہریوں کی جان سے مت کھیلیں۔

تفصیلات کے مطابق سردار تنویر الیاس خان نے لاہور میں ایک نجی ہوٹل کی افتتاحی تقریب سے خطاب کرتے ہوئےکہا کہ خدا پی ڈی ایم والوں کو ہدایت دے کہ وہ کورونا پھیلانے کا سبب بن رہے ہیں، اگر ایک جلسے میں دو چار ہزار لوگ بھی کورونا کا کیرئر بنے توہزاروں لوگ اس وبا کا شکار ہونگے۔

انھوں نے اپوزیشن سے اپیل کہ خدارا عام پاکستانیوں کی زندگیوں سے کھیلنا بند کریں اور کورونا میں جلسے جلوسوں کا تماشہ ختم کریں جلسوں سے نہ پہلے حکومتیں گری ہیں اور نہ اب کچھ ہونے والا ہے۔