وفاقی وزیر ریلوے میاں شیخ رشید نے کہا ہے کہ اگلے پانچ سال میں پاکستان میں جدید ریل چلے گی اور عوام کو سفر کی بہترین سہولیات مہیا ہونگی۔

تفصیلات کے مطابق وزیر ریلوےشیخ رشید احمد سے پاکستان میں مصر کے سفیر عزت مآب ڈاکٹر طارق داہروگ سے ملاقات ہوئی ہے جس میں پاکستان اور مصر کی ریل کے درمیان شراکت داری اور تعاون پر بات چیت کی گئی ہے۔

ملاقات کے دوران وفاقی وزیر کا کہنا تھا کہ پاکستان ریلوے میں انفرا سٹرکچر اور رولنگ سٹاک بہتری کے جاری منصوبوں میں مصری سرمایہ کاری کو کو خوش آمدید کہیں گے۔

انہوں نے کہا کہ مصری ریل اور اس کی نجی ریل کمپنیوں کو شراکت داری کے لئے سہولیات دینگے۔

اس ضمن میں مصری سفیر کا کہنا تھا کہ پاکستان ریلوے کی ترقی میں پاکستان کی ترقی ہے۔حکومتی سطح پر شراکت داری کی حوصلہ افزائی کرینگے۔