سیکریٹری خارجہ سہیل محمود کا کہنا ہے کہ سی پیک صنعت، زراعت اور سماجی و اقتصادی ترقی پر بھر پور توجہ کے ساتھ اپنے دوسرے مرحلے میں داخل ہو چکا ہے۔

ترجمان دفتر خارجہ کے مطابق سیکریٹری خارجہ سہیل محمود اور چینی نائب وزیر خارجہ کی زیر صدارت سی پیک پر پاک چین مشترکہ ورکنگ گروپ کا دوسرا اجلاس چین کے شہر آرمچی ہوا۔

پاکستان اور چین نے سی پیک کی توسیع کو فروغ دینے کے لیے باہمی تعاون کو وسعت دینے پر اتفاق کیا ہے۔

اجلاس میں گروپ کے بیجنگ میں ہونے والے 9 اپریل 2019 کے افتتاحی اجلاس کے فیصلوں اورپیشرفت کا جائزہ لیا گیا۔

سیکریٹری خارجہ نے حکومت ، تھنک ٹینکس ، اکیڈمیز، اور میڈیا کی جانب سی پیک منصوبوں کے حقائق ، مقصد اور مربوط نظریہ کو فروغ دینے کی کوششوں پر روشنی ڈالتے ہوئے کہا کہ  بین الاقوامی برادری کو پاکستان اور علاقائی معیشت پر سی پیک کے اثرات کے جامع اور معقول انداز میں تجزیہ کرنے کی ضرورت ہے۔

سیکریٹری خارجہ نے اس بات کا اعادہ کیا کہ دونوں فریق باہمی مشاورت کے ذریعے سی پیک منصوبوں میں تیسری پارٹی کی شرکت کا خیرمقدم کریں گے۔

 دونوں ممالک نے اس بات پر اتفاق کیا ہے کہ چین اور پاکستان سی پیک کی مثبت شراکت کو فروغ دینے کے لیے مل کر کام کرتے رہیں گے۔

دونوں ممالک تھنک ٹینک ، میڈیا اور رائے عامہ کو بین الاقوامی تعاون ، معاشی ترقی کے معاملے کے مطالعہ کے طور پر سمجھنے اور جانچنے کے لیے حوصلہ افزائی کریں گے۔

سیکریٹری خارجہ نے بین الاقوامی رابطوں اور تعاون کے ذریعے سی پیک اور بلٹ اینڈ روڈ منصوبے کی ترقی کے لیے اکیڈمیز ،کمیونٹی اور  پالیسی ماہرین کی کوششوں کا خیرمقدم کیا۔

FS Sohail Mahmood & Chinese Vice FM Luo Zhaouhi co-chaired Second Meeting of CPEC JWG on Int’l Coop & Coord, held in #Urumqi 🇨🇳.

Advertisement

Both sides underscored imp of CPEC as transformational project and agreed on deepening cooperation for CPEC’s expansion.@MFA_China pic.twitter.com/qzTrIvRtFj

— Ministry of Foreign Affairs – Pakistan (@ForeignOfficePk) December 31, 2020

سیکریٹری خارجہ نے کہا کہ  سی پیک تبدیلی کا منصوبہ ہے،اس نے پاکستان کے لیے اہم اور دوررس معاشی مواقع پیدا کیے ہیں ۔ ہماری قومی ترقیاتی کوششوں کے لیے سی پیک کے ناگزیر ہونے پر مکمل قومی اتفاق رائے موجود ہے۔

انہوں نے مزید کہا کہ  سی پیک کے پہلے مرحلے میں ، ہم نے توانائی اور بنیادی ڈھانچے کے میدان میں بڑی پیشرفت کی ہے۔ سی پیک صنعت ، زراعت اور سماجی و اقتصادی ترقی پر بھر پور توجہ کے ساتھ اپنے دوسرے مرحلے میں داخل ہو چکا ہے۔

سیکریٹری خارجہ نے کہا کہ سی پیک کے تحت تیار کیا جانے والا خصوصی اقتصادی زونز کا منصوبہ پاکستان کے صنعتی عمل کو نئے سرے سے زندہ کرے گا۔  خصوصی اقتصادی زون کے منصوبے سے معاشی ترقی کے عمل کو وسعت دینے میں مدد ملے گی۔

انہوں نے کہا کہ سیکریٹری خارجہ نے سی پیک کے منصوبوں کو بروقت مکمل کرنے کے حکومتی عزم کا اعادہ کیا۔ 10 واں جے سی سی اجلاس معاشی مواقع پیدا کرنے اور سی پیک منصوبوں کو مزید وسعت دینے میں معاون ثابت ہوگا۔

سیکریٹری خارجہ نے کہا کہ صنعتی ترقی کے لیے چینی سرمایہ کاری کو فروغ دینے کے لیے جامع حکمت عملی تیار کی جا رہی ہے۔