سابق صدر آصف علی زرداری نے عدالت حاضری سے استثنی ٰکی درخواست دائر کردی۔

تفصیلات کے مطابق  آصف علی زرداری نے وکیل کے ذریعے اسلام آباد ہائیکورٹ میں طبیعت خرابی کے باعث عدالت حاضری سے استثنی ٰکی درخواست دائر کی ہے۔

درخواست میں  آصف زرداری نے موقف اپنایا کہ   22 نومبر سے اسپتال میں داخل ہوں، طبعیت خرابی کی وجہ سے کل عدالت حاضر نہیں ہو سکتا۔

آصف علی زرداری نے درخواست میں عدالت سے طبی بنیاد پر حاضری سے استثنی کی استدعا کی ۔ درخواست کے ساتھ آصف علی زرداری کے میڈیکل رپورٹس بھی منسلک کی گئی ہیں۔

واضح رہے کہ سابق صدر آصف علی زرداری نے آٹھ ارب روپے کی مشکوک ٹرانزیکشن کیس میں اسلام آباد ہائیکورٹ میں درخواست ضمانت دائر کر رکھی ہے جو کل سماعت کے لیے مقرر ہے۔

کیس کی سماعت جسٹس عامر فاروق اور جسٹس محسن اختر کیانی کریں گے۔