پاکستان انٹرنیشنل ایئرلائن(پی آئی اے ) انتظامیہ  نے بڑا فیصلہ کرلیا۔

تفصیلات کے مطابق  پاکستان انٹرنیشنل ایئرلائن(پی آئی اے )  نے   رضاکارانہ اسکیم کے بعد لازمی ریٹائرمنٹ اسکیم متعارف کرادی۔

ترجمان پی آئی اے نے کہا کہ لازمی ریٹائرمنٹ اسکیم میں غیر تسلی بخش کارکردگی والے ملازمین کو لازمی ریٹائر کیا جائے گا۔ غیرقانونی کاموں اور کرپشن میں ملوث ملازمین کو بھی لازمی ریٹائرڈ کیا جائے گا۔

ترجمان پی آئی اے کا کہنا ہے کہ  پائلٹس، فضائی میزبان اور پی آئی اے کے تمام شعبوں کے ملازمین کی فہرستیں تیار کرلی گئی ہیں۔

ترجمان پی آئی اے  کا کہنا ہے کہ رضاکارانہ اسکیم وی ایس ایس میں 2500 سے زائد ملازمین نے ریٹائرمنٹ کا آپشن استعمال کیا ہے۔