یونان سے بے دخل کیے جانے والے پاکستانیوں کی وطن واپسی کے لئے سول ایوی ایشن اتھارٹی کی جانب سے اجازت منظور کرلی گئی ہے۔

تفصیلات کے مطابق سول ایوی ایشن اتھارٹی نے یونان کی خصوصی چارٹر پرواز کو اسلام آباد ایئرپورٹ پر لینڈنگ کی اجازت دے دی ہے۔

یونان سے بے دخل کئے جانے والے پاکستانی چارٹر پرواز سے آج اسلا م آباد پہنچیں گے جبکہبے دخل کئے گئے پاکستانیوں کے ساتھ یونانی پولیس افسران پر مشتمل اسکارٹ اور میڈیکل اسٹاف بھی پرواز کے ساتھ پہنچے گا۔

یاد رہے کہ یونانی سفارتخانے کی درخواست پر وازارت خارجہ نے چارٹر پرواز کے لئے کے لئے سول ایوی ایشن اتھارٹی کو خط لکھا تھا، خط پر سول ایوی ایشن اتھارٹی کے ڈائریکٹر ائیر ٹرانسپورٹ نے چارٹر پرواز کی اسلام آباد آمد کے لئے این او سی جاری کردیا ہے۔

جاری کردہ این او سی میں پرواز کے عملے اور آنے والے مسافروں کے لئے کورونا ایس او پیز پر عمل درآمد کرنا لازم ہوگا تاہم ایس او پیز کے تحت پرواز کے عملے کو طیارے سے اترنے کی اجازت نہیں ہوگی۔