مسلم لیگ ن کی نائب صدر مریم نواز کا کہنا ہے  حکومت بوکھلاہٹ  کا شکار ہو چکی ہے۔

تفصیلات کے  مطابق  مریم نواز کا پارلیمانی پارٹی کے اجلاس سے خطاب کرتے ہوئے کہنا تھا کہ  حکومت بوکھلاہٹ کا شکار ہو چکی ہے، ہم   پارلیمان میں اپنا بھرپور کردار ادا کرتے رہیں گے۔

مریم نواز نے کہا کہ  ن لیگی ارکان ثابت قدمی پر شاباشی کے مستحق ہیں۔ ن لیگ کے شیروں کو کوئی ڈرا نہیں سکتا۔

مریم نواز نےپارٹی ممبران کو نواز شریف کا پیغام پہنچاتے ہوئےکہا نواز شریف کا آپ کے لیے پیغام ہے کہ تمام ارکان اپنے موقف پر ڈٹے رہیں۔ انہوں نے کہا ہے کہ ہمارا بیانیہ وہی رہے گا۔

ارکان پارلیمنٹ نے نواز شریف کے بیانیہ سے مکمل یکجہتی کا اظہار کیا۔

مریم نواز نے مزید کہا کہ حکومت سے اب کوئی بات نہیں ہو سکتی۔ حکومت کو قومی اور عوامی ایشوز پر ٹف ٹائم دیا جائے۔

انہوں نے کہا کہ  استعفوں کا فیصلہ پی ڈی ایم کرے گی اور پی ڈی ایم کا فیصلہ تمام جماعتیں تسلیم کریں گی۔