حریت رہنما یاسین ملک  کی اہلیہ مشعال ملک نے کہا ہے کہ کہ دنیا کے ایوانوں میں بھارتی مظالم کے خلاف آوازیں گونج رہی ہیں اور برطانوی پارلیمنٹ میں آواز اٹھنا ہندوستان کی ہار ہے۔

تفصیلات کے مطابق حریت رہنما یاسین ملک  کی اہلیہ مشعال ملک نے کہا ہے کہ بھارتی حکومت نے یسین ملک سمیت، حریت قائدین کےعدالتی قتل کا منصوبہ بنا رکھا ہے۔

انہوں نے بتایا ہے کہ یاسین ملک تہاڑ جیل میں شدید علیل ہیں اور ان کی جان خطرے میں ہے۔

ان کا مزید کہنا تھا کہ ودی سرکار نے انتقام کے نشے میں دھت یسین ملک پر تیس سالہ پرانا مقدمہ کھولا ہے لیکن یسین ملک بھارتی ظلم وستم کے سامنے نہ پہلے جھکے،نہ اب جھکنے والے ہیں۔

مشعال ملک نے گزارش کی ہے کہ یو این او یسین ملک کو بھارتی قید سے چھڑانے میں اپنا کردار کرے۔