الیکشن کمیشن کے سامنے پی ڈی ایم آج احتجاجی مظاہرہ کرے گی جس کے لئے پی ڈی ایم کی قیادت کشمیر چوک پر اکھٹے ہو گی۔

اپوزیشن کی جانب سے دن ایک بجے کشمیر چوک سے ریلی شروع ہوگی جس میں تمام قائدین ریلی قیادت کرتے ہوئے الیکشن کمیشن آئیں گے جبکہ پی ڈی ایم کے قائدین کنٹینر پر سوار ہوکر الیکشن کمیشن پہنچیں گے۔

اس ضمن میں حکومت کی جانب سے الیکشن کمیشن کی بلڈنگ کے لئ حفاظتی اقدامات کئے ہیں جس میں اسلام پولیس نے الیکشن کمیشن بلڈنگ کے مرکزی گیٹ پر بلاکس اور خار دار تاریں لگا دی گئی ہیں جبکہ الیکشن کمیشن پارکنگ میں پولیس کے دستے تعینات کئے گئے ہیں۔

الیکشن کمیشن بلڈنگ کے باہر بم ڈسپوزل سکواڈ بھی پہنچ گیا، بم ڈسپوزل سکواڈ ایریا کو کلیئر کررہا ہے جبکہ پولیس کے دستے بھی الیکشن کمیشن کے سامنے پہنچنا شروع ہوگئے ہیں۔