صوبائی وزیر ناصر حسین شاہ نے کہا ہے کہ وقت کے ساتھ ساتھ عمران خان کا ہر وعدہ ریت کی دیوار ثابت ہورہا ہے۔

اپنے ایک بیان میں ناصر حسین شاہ کا کہنا تھا کہ غریب کو بیروزگار کرنا ہے عمران خان کا آقاوں سے کیا گیا اہم پہلا وعدہ ہے لیکن عمران خان کا مزید اقتدار میں رہنا سانحات کو جنم دے گا۔

انہوں نے کہا ہے کہ معیشت کے ساتھ کھیلا جانے والا کھلواڑ ، پاکستان کو خطے میں کمزور کر رہا ہے اور مسلسل آئی ایم آیف کے دباو میں کیے جانے والے فیصلے جگ ہنسائی کا سبب بن رہے ہیں۔

انہوں نے مزید کہا کہ پی ٹی آئی کروڑوں نوکریوں کا وعدہ کر کے لاکھوں نوکریاں کھا گئی ہے کیونکہ وفاقی حکومت کا 70 ہزار آسامیاں اور 117 ادارے ختم کرنا تشویشناک عمل ہے ۔

ان کا کہنا تھا کہ 70 سال لگے جن اداروں کے بننے میں وہ یک جنبش قلم عمران خان ختم کردیا ہے۔