وزیر خزانہ عبدالحفیظ شیخ کی زیر صدارت ای سی سی کا اجلاس آج ہوگا جس میں 14 نکاتی ایجنڈے پر غور کیا جائے گا۔

اس ضمن  میں ذرائع کا کہنا ہے کہ وزارت صنعت و پیداوار چینی کی درآمد پر ٹیکس چھوٹ کی سمری پیش کرے گی جبکہ ٹیکسٹائل پالیسی 2020-25ء اجلاس کے ایجنڈے میں شامل کی گئی ہیں۔

ذرائع نے بتایا ہے کہ روڈ ٹو مکہ پراجیکٹ کو وسعت دینے کی تجویز پیش کی جائے گی تاہم وزارت مذہبی امور روڈ ٹو مکہ منصوبے سے متعلق سمری پیش کرے گی۔

قومی فریٹ اینڈ لاجسٹکس پالیسی ای سی سی کے ایجنڈے میں شامل کئے  گئے ہیں جبکہ وزارت داخلہ کی ایک کروڑ روپے کی ضمنی گرانٹ کی سمری بھی  اجلاس کے ایجنڈے میں شامل ہے۔

وزارت منصوبہ بندی کی 16 ارب 62 کروڑ روپے کی ضمنی گرانٹ کی سمری بھی شامل ہے جو کہ گرانٹ ایف سی بلوچستان کے ہیلی کاپٹر کے پرزہ جات خریدنے پر خرچ ہو گی۔

ای سی سی اجلاس میں بن قاسم صنعتی پارک کیلئے 132کے وی گرڈ سٹیشن کی تعمیر سمیت اسلام آباد ہائیکورٹ کے تحت 3نئی عدالتوں کے قیام کیلئے فنڈز کی فراہمی بھی شامل کئے گئے ہیں۔