وفاقی وزیر اقتصادی امور خسرو بختیار نے کہا ہے کہ عالمی بینک پاکستان کا اہم ترقیاتی شراکت دار ہے اور بینک پاکستان کی اقتصادی اور سماجی ترقی کے شعبوں میں معاونت فراہم کررہا ہے۔

تفصیلات کے مطابق وفاقی وزیر اقتصادی امورخسرو بختیار کی عالمی بینک کے کنٹری ڈائرئکٹرناجی بن حسائن سے ملاقات ہوئی ہے۔

اس موقع پر پاکستان اورعالمی بینک کے درمیان مختلف شعبوں میں معاونت بڑھانے کے مواقع پربھی بات چیت کی گئی۔

انہوں نے کہا کہ پاکستان کی حکومت صحت، تعلیم، مقامی حکومت اور زرعی شعبہ کی ترقی پرخصوصی توجہ دے رہی ہے اور ہماری خواہش ہے کہ عالمی بینک ان شعبہ جات میں پاکستان کے ساتھ معاونت کو مزید فروغ دے۔

اس موقع پر عالمی بینک کے کنٹری ڈائریکٹرنے کہاکہ بینک پاکستان میں سماجی اوراقتصادی ترقی کے شعبوں میں پاکستان کے ساتھ تعاون کررہا ہے اور بینک کی جانب سے پاکستان میں معاونت جاری رکھنے کے عزم کااعادہ بھی کیا ہے۔