مسلم لیگ ن کی صدر مریم نواز کا کہنا ہے کہ پی ڈی ایم عام عوام کی آواز ہے ۔

لاہور احتساب عدالت میں میڈیا سے غیر رسمی گفتگو کرتے ہوئےمریم نواز نے کہا کہ پی ڈی ایم عام عوام کی آواز ہے۔ حکومت کے ہاتھ پاؤں اور سانسیں پھولی ہوئی ہیں ۔

انہوں نے کہا کہ  عمران خان کو جس سے خطرہ ہوتا ہے اسے جیل میں ڈال دیتا ہے۔  شہباز شریف اور حمزہ جلد باہر آئیں گے ۔

 مسلم لیگ ن کی صدر نے کہا کہ براڈشیٹ کے معاملہ پر حکومتی بد نیتی سامنے آئی ہے۔ براڈ شیٹ کے معاملے  کو نواز شریف کے خلاف استعمال کرنے کی کوشش کی گئی لیکن وہ الٹ ہو گیا۔

مریم نواز نے مزید کہا کہ نواز شریف کی بے گناہی اللہ تعالیٰ نے ایک دفعہ پھر ثابت کر دی اور یہ خود پھنس گئے۔ انہوں نے قومی خزانہ بھی برباد کیا نکلا بھی کچھ نہیں اور نواز شریف کو بے گناہی مل گئی۔ براڈ شٹ سے پیسے مانگ کر یہ پتا چل گیا کہ یہ کتنے کرپٹ نااہل اور چور ہیں ۔

انہوں نے مزید کہا کہ لاہور کو کچرے کا ڈھیر بنا دیا گیا ہے۔ ہم ضمنی انتخابات میں جیتیں گے ۔

مسلم لیگ ن کی صدر کا کہنا تھا 19 جنوری کو الیکشن کمیشن کے سامنے بھرپور احتجاج ہو گا۔

صحافی کے سوال پر ان کا کہنا تھا   کہ بلال بھٹو  کے الیکشن کمیشن کے سامنے احتجاج میں شرکت کا انہیں علم نہیں ، اس بارے میں آپ پیپلز پارٹی سے پوچھیں ۔