جماعت اسلامی کے رہنما اور سابق ایم این اے حافظ سلمان بٹ کے انتقال پر وزیراعظم عمران خان کی جانب سے اظہار افسوس کیا گیا ہے۔

تفصیلات کے مطابق سماجی رابطے کی ویب سائٹ پر اپنے ایک پیغام میں وزیراعظم عمران خان نے حافظ سلمان بٹ کے انتقال پرگہرے دکھ اور افسوس کا اظہار کیا ہے۔

On the passing of JI's Hafiz Salman Butt my condolences and prayers go to his family.

— Imran Khan (@ImranKhanPTI) January 30, 2021

وزیراعظم نے اپنے پیغام میں حافظ سلمان بٹ کے انتقال پر ان کے اہل خانہ کے لئے دعائِیں بھی کی ہیں۔

علاوہ ازیں وزیر خارجہ شاہ محمود قریشی کی جانب سے بھی جماعت اسلامی کے رہنما اور سابق ایم این اے کے انتقال پر گہرے دکھ کا اظہار کیا گیا ہے۔

یاد رہے کہ جماعت اسلامی کے رہنما اور سابق ایم این اے حافظ سلمان بٹ دل کا دورہ پڑنے سے انتقال کر گئے جبکہ وہ کئی دن سے نجی ہسپتال کے آئی سی یو میں زیر علاج تھے۔

خیال رہے کہ حافظ سلمان بٹ تین مرتبہ ممبر قومی اسمبلی رہ چکے ہیں، وہ اسلامی جمعیت طلبہ اورجماعت اسلامی میں مختلف عہدوں پربھی فائز رہے۔

سیکرٹری اطلاعات جماعت اسلامی  قیصر شریف حافظ سلمان بٹ طویل عرصےسےشوگرکےمرض میں مبتلاتھے، ان کی نماز جنازہ بعدجمعہ 2بجےمنصورہ میں اداکی جائےگی ،جنازہ 700عمربلاک علامہ اقبال ٹاؤن سے اٹھایاجائےگا۔