گلشن اقبال 13 ڈی گیلانی اسٹیشن کے قریب خاتون نے بچے کے ہمراہ بلڈنگ سے چھلانگ لگا دی۔

تفصیلات کے مطابق گلشن اقبال 13 ڈی گیلانی اسٹیشن کے قریب 33 سالہ مریم نامی خاتون نے بچے ڈیڑھ سالہ بچے کے ہمراہ پانچویں منزل سے چھلانگ لگا دی۔

ریسکیو حکام کا کہنا ہے کہ  چھلانگ لگانے کی وجہ سے خاتون کی اور بچے کی ٹانگیں ٹوٹ گئی ہیں تاہم  معجزانہ طور پر دونوں محفوظ رہے ہیں۔  دونوں کو شدید زخمی حالت میں اسپتال منتقل کیا گیا ہے۔

پولیس حکام کا کہنا ہے کہ  بلڈنگ سے کودنے والی خاتون مریم زوجہ فیصل آئس کے نشے  کی عادی تھی۔  علاقہ مکینوں نے خاتون کو روکنے کی بہت کوشش کی، لیکن خاتون نہیں رکی۔

پولیس حکام کا مزید کہنا ہے کہ  خاتون نے اپنی بچی ایمان دختر فیصل کو لے کر نامعلوم وجوہات کی بنا پر پانچویں منزل سے چھلانگ لگا کر خودکشی کی کوشش کی ۔

خاتون نے پہلے گیلری سے موبائل فون نیچے پھینکا، جس کے بعد نیچے علاقہ مکین جمع ہوئے۔مریم خاتون نے دو سالہ بچی کو نیچے پھینکا جسے نیچے کھڑے شہریوں نے پکڑلیا۔

 خاتون مریم  نے کچھ عرصہ قبل ہی  دوسری شادی کی تھی، خاتون کے پہلے شوہر شہزاد کا انتقال ہو چکا ہے۔  پہلے شوہر سے 3 بچے ہیں جو کہ پہلے شوہر کی بہن کے ساتھ رہتے ہیں۔

پولیس حکام کا کہنا ہے کہ  اہلخانہ نے مریم کو نشے سے چھٹکارہ دلانے کے لیے گھر میں بند کررکھا تھا۔    واقعے کی مزید تحقیقات کررہے ہیں۔