خیبر پختونخوا میں کنگ سلمان ریلیف پاکستان کی جانب سے موسم سرما کے امدادی سامان کی تقسیم کا عمل مکمل کرلیا گیا۔

تفصیلات کے مطابق کنگ سلمان ریلیف پاکستان کی جانب سے خیبرپختونخوا کے سرد ترین علاقوں میں مستحقین میں سردیوں کے امدادی پیکج کی تقسیم کی گئی۔

کنگ سلمان ریلیف کے مطابق شانگلہ، سوات اور چترال کے سرد ترین علاقوں میں جبکہ اسلام آباد کے مضافات میں مستحق گھرانوں میں ریلیف پیکیج تقسیم کا عمل مکمل کیا گیا۔

کنگ سلمان ریلیف کے مطابق مجموعی طور پر اس پیکیج سے ایک لاکھ 35 ہزار سے زائد افراد مستفید ہوئے۔

پیکیج میں 45100 رضائیاں اور 22550 کٹس تھیں جن میں مردانہ ،زنانہ گرم شالیں اور بچوں و بڑوں کے لیے گرم ملبوسات شامل تھے جس کی مجموعی لاگت 20 کروڑ روپے سے زائد ہے۔

یہ سامان این ڈی ایم اے ، صوبائی حکومت اور پاکستانی غیر سرکاری تنظیم کی مدد سے شفاف طریقے سے تقسیم کی گئیں۔