گورنر سندھ سے ڈائریکٹر جنرل سندھ رینجرز نے  ملاقات کی ہے۔

تفصیلات کے مطابق گورنرسندھ عمران اسماعیل سے ڈائریکٹر جنرل سندھ رینجرز میجر جنرل افتخار حسن چودھری  نے ملاقات کی ہے۔

ملاقات میں باہمی دلچسپی کے امور پر تفصیلی تبادلہ خیال کیا گیا۔

گورنر سندھ نے صوبہ بالخصوص کراچی میں امن و امان کے قیام کے ضمن میں رینجرز کی کارکردگی کو سراہا۔

عمران اسماعیل نے کہا کہ   کراچی معاشی حب ہے اور اس کی ترقی اسی صورت ممکن ہے جب امن وامان کی بہتر صورتحال ہو۔

انہوں نے مزید کہا کہ رینجرز کے افسران و جوانوں کی قربانیوں کو عوام قدر کی نگاہ سے دیکھتی ہے۔

ڈی جی رینجرز سندھ نے کہا کہ پیشہ وارانہ صلاحیتوں کو بروئے کار لاتے ہوئے تفویض کی گئی ذمہ داری کے مطابق تمام تر اقدامات کو بروئے کار لایا جائے گا۔