الیکشن کمیشن آف پاکستان نے 154 اراکین پارلیمنٹ و صوبائی اسمبلیوں کی رکنیت معطل کردی۔

تفصیلات کے مطابق سالانہ گوشواروں کی تفصیلات جمع نہ کرانے پر الیکشن کمیشن نے 154 اراکین پارلیمنٹ و صوبائی اسمبلیوں کی رکنیت معطل کردی۔

سالانہ گوشواروں کی تفصیلات جمع نہ کرانے پر سینیٹ کے 3 اور قومی اسمبلی کے 48 اراکین  کی رکنیت معطل  کی گئی۔

 سندھ اسمبلی کے 19، پنجاب اسمبلی کے 52، خیبرپختونخوا اسمبلی کے 26 اور  بلوچستان اسمبلی کے 6 اراکین کی رکنیت معطل  کی گئی۔

 الیکشن کمیشن نے سالانہ گوشواروں کی تفصیلات جمع نہ کرانے پر وفاقی وزیر فواد چوہدری، فہمیدہ مرزا، خالد مقبول صدیقی کی رکنیت معطل  کی۔

سینیٹ کے مصدق ملک، کامران مائیکل اور شمیم آفریدی کی رکنیت معطل  کی گئی۔

بلوچستان اسمبلی سے یار محمد رند، اختر لانگو، سندھ اسمبلی کے سردار چانڈیو، ناصر شاہ ، سردار علی شاہ،  تیمور تالپور اور حسنین مرزا کی بھی رکنیت معطل کی گئی۔

پنجاب سے چوہدری نثار، عمر تنویر بٹ ، ملک احمد خان، حامد یار ہراج، اویس لغاری کی  بھی رکنیت معطل کی گئی۔