وفاقی وزیر مراد سعید کا کہنا ہے کہ  سی پیک خطے کی ترقی اور خوشحالی کا ظامن ہے۔

تفصیلات کے مطابق  وفاقی وزیر مراد سعید سے چینی سفیر  نے نونگ رونگ نے ملاقات کی۔

چینی سفیر نے سی پیک کے دو اہم پراجیکٹس کے مکمل ہونے ہر خوشی کا اظہار اور شکریہ ادا کیا۔سی پیک کے اہم منصوبے ہکلا ڈی آئی خان کو جون کے آخری ہفتے ٹریفک کے لیے کھولنے پر بھی خوشی کا اظہار کیا۔

وفاقی وزیر مراد سعید نے چینی سفیر کو سی پیک کے موجودہ حکومت کے ژوب کچلاک منصوبے سے بھی آگاہ کیا۔

دونوں رہنماؤں نے مغربی روٹ ڈی آئی خان ژوب ، سوات موٹروے ،دیر چترال اور پشاور ڈی آئی خان کے حوالے سے بھی اظہار خیال کیا۔

مراد سعید نے کہا کہ سی پیک خطے کی ترقی اور خوشحالی کا ظامن ہے، ان منصوبوں سے روزگار کے مواقع معیشت کی ترقی اور سیاحت کو فروغ ملے گا۔

چینی سفیر نے عمران خان کے غربت کے خاتمے کی کوشش کو سراہا۔

فریقین نے پاکستان پوسٹ اور چائنہ پوسٹ کے اشتراک کے حوالے سے بھی اظہار خیال کیا۔ پاکستان پوسٹ کو علی پے کے تجربے کی مدد اور ای کامرس پورٹل بنانے کے حوالے سے بھی گفتگو گئی۔

وفاقی وزیر مراد سعید نے چین کا ہر مشکل وقت میں ساتھ دینے، ایف اے ٹی ایف اور خاص کر کشمیر ایشو پر ہر فورم پہ سپورٹ کرنے پر شکریہ ادا کیا۔