وزیر خارجہ شاہ محمود قریشی کا  کہنا ہے کہ مچھ میں معصوموں کے ناحق قتل پر  انہیں دلی صدمہ ہے ۔

 تفصیلات کے مطابق وزیر خارجہ شاہ محمود قریشی  نے کل بلوچستان کے علاقےمچھ میں ہونے والے المناک واقعے پر ردعمل دیتے ہوئے کہا کہ مچھ میں غریب مزدوروں اور معصوموں کے ناحق قتل کے المناک واقعہ پر دلی صدمہ ہے ،اس کی جتنی مذمت کی جائے کم ہے۔

شاہ محمود قریشی نے کہا کہ  بھارت ایسے دل خراش اور المناک واقعات کے ذریعے پاکستان میں عدم استحکام چاہتا ہے۔ بھارت پاکستان میں سرمایہ کاری کرنے والوں میں بددلی پھیلانا چاہ رہا ہے ۔

انہوں نے کہا کہ 14 نومبر کو ایک پریس کانفرنس میں ہم نے ایک ڈوزئیر کے ذریعے،دہشتگردی کے حوالے سے بھارت کی پشت پناہی کے ناقابل تردید ثبوت دنیا کے سامنے رکھے ۔  ہم  نےپوری دنیا کو بھارت کااصل چہرہ دکھایا ہے۔

وزیر خارجہ نے کہا کہ  آج بین الاقوامی زرائع ابلاغ کھل کر بھارت پر تنقید کر رہا ہے۔ بھارت میں  اقلیتوں کےساتھ بہت براسلوک کیاجارہاہے۔ ان مظالم  کی وجہ سےبھارت کے اندر سے آوازیں اُٹھ رہی ہیں۔

شاہ محمود قریشی نےاپوزیشن سے مطالبہ کیا کہ وہ اس صورت حال کے پیش نظر ذاتی ایجنڈےکوچھوڑکرقومی  مفادکوترجیح دے۔

انہوں نے کہا کہ ہم نے اپوزیشن کو دعوت دی ہے کہ شفاف انتخابات سمیت قومی امور پر بات چیت کریں ۔ اگراپوزیشن کانقطہ  نظرشفاف انتخابات  ہے، توبات کرتےہیں۔