چیئرمین پیپلزپارٹی بلاول بھٹو کا کہنا ہے کہ  حکومت کی روزانہ نااہلی و ناکامی سامنے آرہی ہے۔

پاکستان پیپلزپارٹی  کے چیئرمین بلاول بھٹو  زرداری نے کراچی میں پریس کانفرنس  کی۔

پریس کانفرنس میں  نائب چیئرمین شیری رحمان، شازیہ مری اور ناصر شاہ  بھی ان ہمراہ  تھے۔

چیئر مین پیپلز پارٹی نے کہا کہ  حکومت کی روزانہ نااہلی و ناکامی سامنے آرہی ہے۔پورے  خطے میں پاکستان کی معاشی ترقی کم ہے۔ پاکستان معاشی ترقی میں  بنگلادیش اور افغانستان سے بھی پیچھے ہے، یہ تشویشناک صورتحال ہے۔

بلاول بھٹونے کہا کہ  اسٹیل ملز کے ملازمین کے ساتھ زیادتی ہورہی ہے۔ سندھ کے تین اسپتالوں کو وفاقی حکومت نے ٹیک اوور کے لیے آرڈیننس نکالا ہے۔ ملک میں گیس کی قلت  بھی ہے۔

انہوں نے مزید کہا کہ   پی آئی اے کے طیارے کو ملائیشیا میں روک لیا گیا، یہ حکومتی نا اہلی کی بدترین مثال ہے۔ پی آئی اے کے پاِئلٹس پر الزام لگا کر پہلے ہی ادارے کو تباہ کردیا ہے۔

چیئر مین پیپلز پارٹی نے کہا کہ  پی ڈی ایم نے ناجائز وزیراعظم سے استعفے کا مطالبہ کیا ہے۔

بلاول بھٹو کا مزید کہنا تھا کہ  پورے ملک میں بجلی چلی جاتی ہے، یہ نا اہل حکومت بتا نہیں رہی کہ بجلی کیوں گئی تھی۔