پاک بحریہ کی جانب سے کثیرالملکی بحری مشق امن 21 کے خصوصی نغمے ” امن کی پکار” کا پرومو جاری کر دیا گیا ہے۔

اس ضمن میں ترجمان پاک بحریہ کا کہنا ہے کہ بحری مشق امن 21 کا یہ خصوصی نغمہ اردو اور انگریزی زبانوں کا امتزاج ہے۔

ترجمان پاک بحریہ نے بتایا کہ گانے میں امن پسند ممالک کو ایک پلیٹ فارم پر یکجا ہونے کا پیغام دیا گیا ہے، یہ گانا پاک بحریہ کی امن کیلئے ہمہ وقت حاضر رہنے اور امن کے فروغ کے لئے دنیا بھر کے ممالک کو خوش آمدید کہنے کے عزم کی بھرپور عکاسی کرتا ہے۔

ترجمان پاک بحریہ نے بتایا ہے کہ بحری مشق امن میں تقریباً 45 ممالک اپنے اثاثہ جات اور مندوبین کے ساتھ شرکت کر رہے ہیں۔