معاون خصوصی پنجاب ڈاکٹر فردوس عاشق اعوان نے کہا ہے کہ ن لیگ نے الیکشن کے بجائے ہمیشہ سلیکشن کو ترجیح دی ہے۔

تفصیلات کے مطابق  معاون خصوصی پنجاب فردوس عاشق اعوان کی میڈیا سے گفتگو کرتے ہوئے کہا ہے کہ ڈسکہ میں ہارنے پر ن لیگ کو الیکشن دھاندلی زدہ لگا اور جہاں ن لیگ جیتی وہ شفاف دکھائی دیا ہے۔

فردوس عاشق اعوان نے کہا ہے کہ  جرائم پیشہ افراد کی پشت پناہی کے باوجود ن لیگ کو ڈسکہ میں شکست ہوئی اورعوامی طاقت سے ن لیگ کو تاریخی رسوائی کا سامنا  کرنا پڑا۔

انہوں نے کہا ہے کہ الیکشن کمیشن  میں آج ن لیگ نے پینترے بدلیں ہیں کیونکہ ن لیگ نے ہمیشہ الیکشن کی بجائے سیلیکشن پر توجہ رکھی ہے۔

انہوں نے مزید کہا ہے کہ ن لیگ کی ہار کے بعد ڈسکہ سےگدی نشینی اور جانشینی کی سیاست کا جنازہ نکل گیا ہے۔