وزیراعظم عمران خان نے کہا ہے کہ پارٹی کی جانب سے سینیٹ انتخابات کے لئے ٹکٹوں کی تقسیم میرٹ کی بنیاد پر کی جائیگی۔

تفصیلات کے مطابق وزیراعظم عمران خان کی زیر صدارت تحریک انصاف کے پارلیمانی بورڈ کا اجلاس منعقد ہوا ہے۔

اجلاس میں وزیراعظم کا کہنا تھا کہ سینیٹر بننے کے خواہشمند افراد کی قابلیت اور پارٹی کے لیے خدمات کا جائزہ لیں گے کیونکہ ہماری یہی کوشش ہے اس بار سینیٹ انتخابات میں پیسہ نہ چلے۔

اجلاس میں سینیٹ کے ٹکٹ کے امیدواروں کے ناموں پر غور کیا گیا جبکہ وزیراعظم کی جانب سے پارلیمانی بورڈ ارکان کی سفارشات کا تفصیلی جائزہ بھی لیا گیا ہے۔

ذرائع کا کہنا ہ کہ سینیٹ انتخابات کے لیے امیدواروں کا حتمی اعلان جلد کردیا جائیگا۔