عالمی شہرت یافتہ پاکستانی کوہ پیما علی سدپارہ اور ان کے ساتھیوں کی تلاش کے لیے سرچ آپریشن شروع کردیا گیا۔

تفصیلات کے مطابق  پاکستانی کوہ پیما علی سدپارہ اور ان کے دو ساتھی جون اسنوری اور جے پی موہر کی تلاش  کے لیے سرچ آپریشن شروع کردیا گیا ہے۔

سرچ آپریشن  کے لیے آرمی ایوی ایشن کے دو ہیلی کاپٹرز روانہ ہوگئے ہیں۔

ذرائع کا کہنا ہے کہ علی سدپارہ اور ان  کے ساتھی ممکنہ طور پر کے ٹو چوٹی سر کرکے واپس آتے ہوئے لاپتہ ہوئے ہیں۔

دوسری جانب علی سدپارہ اور ان  کے ساتھیوں کے کے ٹو چوٹی سر کرنے  کا ابھی تک باضابطہ  اعلان نہیں کیا گیا ہے۔