پاک فضائیہ کا آپریشن سوئفٹ ریٹارٹ کی مناسبت سے نیا ملی نغمہ جاری

شعیب برنی

26th Feb, 2021. 05:23 pm
شيئر

پاک فضائیہ نے آپریشن سوئفٹ ریٹارٹ کی مناسبت سے نیا ملی نغمہ جاری کر دیا۔

ترجمان پاک فضائیہ کے مطابق آپریشن سوئفٹ ریٹارٹ کی مناسبت سے نیا ملی نغمہ ’صدائے پاکستان‘جاری کر دیا گیاہے۔

اس نغمے کو پاکستان کے مایہ ناز گلوکار علی حمزہ نے گایا ہے جبکہ اس کے بول شہزاد نیر نے تخلیق کیے ہیں۔

گانے کی عکسبندی پاکستان کے مشہور ڈائریکٹر زوہیب قاضی نے کی ہے۔

یہ ترانہ پاک فضائیہ کے ان سپوتوں کی جرات و بہادری کو خراجِ تحسین ہے جنہوں نے دشمن کے ساتھ 2019 میں پیش آنے والے فضائی معرکے میں بہادری کی نئی داستان رقم کی اور ملک و قوم کا وقار بلند کیا۔

اختتام