پاکستان کوسٹ گارڈز کی جانب سے کارروائی  کی گئی ہے جس کے نتیجے میں کروڑوں روپے مالیت کی منشیات برآمد کرتے ہوئے اسمگلرز گرفتار کرلئے گئے ہیں۔

تفصیلات کے مطابق ترجمان کوسٹ گارڈز کے مطابق کارروائی میں ناکہ کھاری چیک پوسٹ (وندر) کوچ سے بھاری مقدار میں منشیات برآمد 04 اسمگلرز گرفتار کئے گئے ہیں۔

ناکہ کھاری چیک پوسٹ پردوران چیکنگ کوچ سے 43.80کلو گرام اعلی کوالٹی کی کرسٹل، 37.65 کلو گرام چرس، 29.80 کلو گرام ہیروئن، 12.30 کلوگرام آئس اور 6.15 کلوگرام افیون برآ مد کی گئی ہے۔

علاوہ ازیں پسنی شادی کور میں پہاڑوں کے درمیان چھپائی گئی 280 کلو گرام اعلی کوالٹی کی چرس برآمد کی گئی ہو جو بیرون ملک اسمگل ہونا تھی۔

ترجمان کوسٹ گارڈز کے مطابق پکڑی جانے والی منشیات کی مالیت 65.72725 ملین روپے ہے۔