پاکستان بھر میں گزشتہ 24 گھنٹوں کے دوران کورونا وائرس کے ایک ہزار 160 نئے کیسز رپورٹ ہوئے ہیں۔

این سی او سی کی یومیہ جاری کردہ رپورٹ کے مطابق گزشتہ 24 گھنٹوں کے دوران ایک ہزار 160 نئے کیسز رپورٹ ہونے کے بعد کورونا کے مریضوں کی مجموعی تعداد  5 لاکھ 72 ہزار 334 ہوگئی ہے۔

این سی او سی کی رپورٹ میں بتایا گیا ہے کہ ملک بھرمیں کوروناکےایکٹو کیسز کی تعداد 24 ہزار 226 ہوگئی ہے۔

تاہم گزشتہ 24 گھنٹوں میں کورونا سے مزید 16 افراد انتقال کر گئے ہیں جس کے بعد کورونا وائرس کے باعث مجموعی اموات کی تعداد 12 ہزار 617 ہوگئی ہے۔

کورونا سے صحت یاب افراد کی مجموعی تعداد 5 لاکھ 35 ہزار 491 ہوگئی، کورونا سے متاثر 1605 مریضوں کی حالت تشویشناک ہے۔

پنجاب ایک لاکھ 67 ہزار 819، سندھ میں 2 لاکھ 56 ہزار 220 کیسز رپورٹ ہوئے ہیں جبکہ خیبرپختونخوا 71 ہزار 43، بلوچستان میں 18 ہزار 988 کیس رپورٹ ہوئے۔

اسلام آباد 43 ہزار 485، گلگت بلتستان میں 4 ہزار 951 جبکہ آزاد کشمیر میں کورونا مریضوں کی تعداد 9828 ہوگئی، ملک بھر میں 87 لاکھ 18 ہزار 555 کورونا ٹیسٹ کیے جاچکے ہیں۔