کراچی کےعلاقے شاہ لطیف ٹاؤن سے گرفتار 5 دہشتگردوں نے عدالت میں اقرار جرم کرلیا۔

ذرائع کے مطابق  کراچی کے علاقے شاہ لطیف ٹاؤن میں 8 فروری کو ہونے  والے مقابلے میں گرفتار دہشتگردو نے جوڈیشل مجسٹریٹ کے سامنے اعتراف جر م کرلیا جس کے بعد دہشتگردو کو جیل منتقل کردیا گیا ہے۔

ذرائع کا کہنا ہے کہ  گرفتار ہونے والے پانچوں دہشتگردو نے مجسٹریٹ کے سامنے بیان ریکارڈ کرواتے جوڈیشل مجسٹریٹ کے سامنے اعتراف جرم کرلیا۔

گرفتار دہشتگردو نے ماضی میں دہشت گردی کی متعدد وارداتوں کا بھی اعتراف کیا۔

ذرائع کا کہنا ہے کہ  دہشتگردو کے خلاف بنائی گئی جے آئی ٹی بھی مکمل کرلی گئی ہے۔

واضح رہے کہ رواں ماہ 8 تاریخ کو  شاہ لطیف تھانے کی حدود میں پولیس مقابلے   میں ایک دہشت گرد ہلاک جبکہ پانچ کو گرفتار کیا گیا تھا۔

دہشتگردوں نے سندھ اسمبلی کو بارودی مواد سے  اڑانے  کا منصوبہ بنایا تھا، دہشتگردوں کے قبضے سے بارود سے بھرا رکشہ بھی برآمد ہوا تھا۔

ذرائع کا کہنا ہے کہ دہشتگردو کے حوالے سے جلد وفاقی  وزیر داخلہ اہم پریس کانفرنس کریں گے۔