سندھ  ہائی کورٹ کی جانب سے لاپتہ شہریوں کی عدم بازیابی پراظہاربرہمی کرتے ہوئے وفاقی سیکریٹری داخلہ کو طلب کرلیا گیا ہے۔

تفصیلات کے مطابق سندھ ہائی کورٹ میں لاپتہ شہریوں کی عدم بازیابی کی سماعت ہوئی جس پر عدالت نے برہمی کا اظہار کرتے ہوئے وفاقی سیکرٹری داخلہ کو طلب کرلیا ہے جبکہ ناقص تفتیش پر آئی جی سندھ مشتاق مہر کو بھی طلب کیا گیا ہے۔

اس ضمن میں عدالت کی جانب سے ریمارکس پاس کئے گئے کہ شہری لاپتہ ہورہے ہیں اور کسی کو احساس ہی نہیں ہے اور لاپتہ افراد کی تلاش میں ناکامی ریاست کی ناکامی ہے۔

عدالت میں ریمارکس دیئے گئے ہیں کہ سیکریٹری داخلہ اطلاع کردی جائے کہ اگر وہ عدالت میں پیش نہ ہوئے تو اسے سینٹرل جیل میں ڈال دیا جائیگا۔

علاوہ ازیں عدالت کی جانب سے وفاقی اور صوبائی حکومتوں سے 22 فروری کو رپورٹس طلب کرلیں گئی ہیں۔