وزیر خارجہ شاہ محمود قریشی کی قاہرہ میں مصر کے صدر سے ملاقات ہوئی ہے۔

ملاقات میں دو طرفہ تعلقات، مختلف شعبوں میں تعاون کے فروغ پر تبادلہ خیال ہوا، خطے میں امن و امان کی صورتحال، باہمی دلچسپی کے امور پر بات چیت کی گئی ہے۔

اس موقع پر وزیر خارجہ کا کہنا تھا کہ دوطرفہ تعلقات کو مزید مستحکم بنانا چاہتے ہیں، پاکستان جغرافیائی اقتصادی ترجیحات پر توجہ مرکوز کیے ہوئے ہے۔

انہوں نے بتایا کہ بھارت مقبوضہ کشمیر میں انسانی حقوق کی خلاف ورزیاں کررہا ہے اور کشمیر میں بھارتی مظالم سلامتی کونسل قراردادوں کی خلاف ورزی ہے۔

وزیر خارجہ کا کہنا تھا کہ دوطرفہ تعلقات کو قدر کی نگاہ سے دیکھتے ہیں، دونوں ممالک میں یکساں مذہبی اقدار کی بنیاد پر برادرانہ تعلقات ہیں۔

علاہ ازیں وزیر خارجہ شاہ محمود قریشی کی قاہرہ میں پاکستانی کمیونٹی سے بھی ملاقات ہوئی جس میں انہوں نے کہا ہے کہ عالمی سطح پر امن کیلئے اپنا کردار ادا کرنے کیلئے پرعزم ہیں جبکہ دوطرفہ تجارت، سرمایہ کاری کے بہت امکانات ہیں۔