آرمی چیف جنرل قمر جاوید باجوہ کا کہنا ہے کہ  پاکستان افغان امن عمل  کے لیے پرعزم ہے۔

پاک فوج کے شعبہ تعلقات عامہ (آئی ایس پی آر) کے مطابق  امریکی سینٹرل کمان کے نئے سربراہ جنرل کینتھ میکنزی  نے جی ایچ کیو میں آرمی چیف جنرل قمر جاوید باجوہ سے ملاقات کی۔

ملاقات میں  علاقائی سلامتی کی صورتحال سمیت باہمی دلچسپی  کے امور ، خصوصاً افغان مفاہمتی عمل پر بات چیت کی گئی۔

پاک امریکہ فوجی قیادت نے افغان صورتحال کے سیاسی حل کی اہمیت پر ایک موقف کا اظہار کیا۔

آرمی چیف اور امریکی جنرل کا افغان امن عمل آگے بڑھانے پر اتفاق ہوا۔

اس موقع پر آرمی چیف کا کہنا تھا کہ  پاکستان  افغان امن عمل کے لیے پرعزم ہے۔

جنرل کینتھ مکنزی  نے افغان امن کے لیے پاکستان کی کوششوں کو سراہا۔