وزیر خزانہ حفیظ شیخ نے کہا ہے کہ سینیٹ انتخابات شفاف اور غیر جانبدار انداز میں ہونے چاہییں۔

تفصیلات کے مطابق وزیر خزانہ حفیظ شیخ نے الیکشن کمیشن کے باہر میڈیا سے گفتگو کرتے ہوئے کہا ہے کہ تمام سیاسی جماعتوں کو سینیٹ انتخابات میں حصہ لینے کی آزادی ہے۔

انہوں نے کہا ہے کہ عمران خان نے سینیٹ انتخابات میں کسی خاندان کے فرد کو نہیں نوازا بلکہ میرٹ پر فیصلے کیے، یقین ہے عمران خان اور تحریک انصاف سینیٹ انتخابات میں بھاری اکثریت سے کامیاب ہوں گے۔

انہوں نے بتایا ہے کہ عمران خان پاکستان کے خزانے کا تحفظ اور اضافہ کرنا اچھی طرح جانتے ہیں اور ان کا مفاد پاکستان کے عوام کی خوشحالی اور ترقی ہے۔

وفاقی وزیرخزانہ ڈاکٹرعبدالحفیظ شیخ نے کہاہے کہ پاکستان اوربین الاقوامی مالیاتی فنڈ کے درمیان معاہدہ سے دنیابھرمیں پاکستان کی برآمدات اور ملک میں بیرونی سرمایہ کاری میں اضافہ ہوگا۔