وزیر اعظم عمران خان کی معاون خصوصی  ثانیہ نشتر  کا کہنا ہے کہ  حکومت مہنگائی کی روک تھام  کے لیے اقدامات کر رہی ہے۔

سرگودھا میں پریس کانفرنس کرتے ہوئے  وزیر اعظم عمران خان کی معاون خصوصی ثانیہ نشتر  کا  کہنا تھا کہ  جون تک احساس کفالت پروگرام کا سروے مکمل ہو جائے گا۔

ثانیہ نشتر نے کہا کہ  کرپشن کے خاتمے کے لیے ترجیحی بنیادوں پر مسئلہ حل کیا جائے گا۔ پاکستان بھر میں اب تک 76 فیصد سروے مکمل کر لیا گیا ہے جس کے تحت  7 لاکھ افراد کو امداد دی جا رہی ہے۔

انہوں نے کہا کہ  13 لاکھ کے قریب لوگ حقدار ہیں لیکن ان کے کوائف مکمل نہیں ہیں ۔ سروے میں مکمل کوائف والے مستحقین کو 12ہزار  روپے امداد شروع کر دی گئی ہے۔

معاون خصوصی نے کہا کہ  کرپشن کا خاتمہ حکومت کی اولین ترجیح ہے۔ بینظیر انکم سپورٹ پروگرام میں کرپشن کی روک تھام  کے لیے عملی اقدامات کیے گئے ہیں۔

ثانیہ نشترکا مزید کہنا تھا کہ مہنگائی کی روک تھام  کے لیے حکومت اقدامات کر رہی ہے۔ معذور افراد  کے خصوصی شناختی کارڈ بنواکران کو امداد شروع ہو جائے گی۔

انہوں  نے کہا کہ ستمبر تک ادائیگی کا نظام بینک کے ذریعے سے شروع ہوجائے  گا۔