امیرالبحر ایڈمرل محمد امجد خان نیازی  نے پاک بحریہ کی مشق امن میں شریک چند ممالک کے بحری جہازوں کا دورہ کیا ہے۔

ترجمان پاک بحریہ کے مطابق  نیول چیف ایڈمرل محمد امجد خان نیازی  نے روس، انڈونیشیا اور سری لنکا کے بحری جہازوں کا دورہ کیا۔

امیر البحر کی ہر جہاز پر  آمد کے موقع پر انہیں گارڈ آف آنر پیش کیا گیا۔

دورے کے دوران امیرالبحر نے مشق میں شریک غیر ملکی جہازوں کے کمانڈنگ افسران اور عملے سے ملاقاتیں کیں۔

نیول چیف کو مشق میں شریک ممالک کے جہازوں پر خصوصی بریفنگز دی گئیں ۔

ایڈمرل محمد امجد خان نیازی  نے مشق میں شرکت اور باہمی تعاون کے فروغ پر تمام شریک ممالک کے نمائندگان کا شکریہ ادا کیا۔