آٹھ ارب روپے کی مشکوک ٹرانزیکشن  کیس میں آصف زرداری کی طبی بنیاد پر ضمانت منظور کرلی گئی۔

تفصیلات کے مطابق سابق صدر مملکت آصف علی زرداری کی آٹھ ارب روپے کی مشکوک ٹرانزیکشن کیس میں طبی بنیاد پر ضمانت منظور کرلی گئی ہے۔

عدالت نے نیب پراسیکیوٹر سے استفسار کیا کہ   آپ اس میڈیکل رپورٹ کو جعلی تو نہیں کہہ رہے جیسے ماضی میں کہا گیا، آپ کو اس میڈیکل بورڈ پر اعتراض  تو نہیں ہے۔

عدالت نے نیب پراسیکیوٹر سے کہا کہ   آپ یہ کہہ سکتے ہیں کہ ملزم کو بیرون ملک جانے کی اجازت نہ ہو۔

نیب پراسیکیوٹر سردار مظفر عباسی نے کہا کہ  اس کیس نے اپنے شواہد پر ثابت ہونا ہے ۔

جسٹس محسن اختر کیانی نے کہا کہ  اگر مرکزی کیس میں سزا ہوئی تو اس کیس پر بھی اثر پڑے گا۔