تربیلا میں جاری پاک ترک مشترکہ فوجی مشقیں اختتام پذیر  ہوگئیں۔

پاک فوج کے شعبہ تعلقات عامہ ( آئی ایس پی آر) کے مطابق فوجی مشق  اتاترک الیون کی اختتامی تقریب ایس ایس جی ہیڈکوارٹرتربیلا میں منعقد ہوئی۔

مشق  میں ترکش اسپیشل فورسز اور پاکستان کے ایس ایس جی دستوں نے حصہ لیا ۔

تین ہفتے جاری رہنے والی مشقوں کا بنیادی فوکس انسداد دہشت گردی آپریشنز تھے۔  پیراٹروپرز کا فری فال اور مارشل آرٹس بھی مشقوں کی تربیت کا حصہ تھے۔

آئی جی ٹریننگ اینڈ ایویلیوایشن لیفٹیننٹ جنرل سید محمد عدنان اختتامی تقریب کے مہمان خصوصی تھے۔

میجر جنرل ایمری طاینس کی سربراہی میں ترک فوج کے اعلیٰ سطح وفد نے بھی اختتامی تقریب میں شرکت کی۔