وفاقی کابینہ کا ہنگامی اجلاس آج شام میں طلب کرلیا گیا ہے۔

تفصیلات کے مطابق وزیراعظم کی زیر صدارت وفاقی کابینہ کا ہنگامی اجلاس آج شام ساڑھے چار بجے طلب کرلیا گیا ہے۔

دوسری جانب وزیراعظم عمران خان کی زیر صدارت معاشی ٹیم کا اجلاس آج ہوگا جس میں ملکی معاشی صورتحال، درآمدات برآمدات سے متعلق گفتگو ہوگی۔

اجلاس میں معاشی اشاریوں سے متعلق وزیراعظم کو بریفنگ بھی دی جائے گی۔

دوسری جانب وزیراعظم نے قومی رابطہ کمیٹی ہاؤسنگ کا اجلاس بھی طلب کیا ہے جو کہ آج سہ پہر ہوگا۔

اجلاس میں سستے گھروں کی تعمیر سے متعلق حکومتی اقدامات کا جائزہ لیا جائے گا جبکہ گھروں کی تعمیر کے لیے قرضوں سے متعلق بھی بات چیت ہوگی۔

علاوہ ازیں وزیراعظم ریور راوی پراجیکٹ سے متعلق اجلاس کی بھی صدارت کریں گے جس میں منصوبے پر پیش رفت کا جائزہ لیا جائے گا۔