شمالی وزیرستان میں سیکیورٹی فورسز کے انٹیلی جنس بیسڈ آپریشن کے دوران ایک اہلکار شہید جبکہ دو دہشتگرد ہلاک ہوگئے۔

پاک فوج کے شعبہ تعلقات عامہ ( آئی ایس پی آر) کے مطابق شمالی وزیرستان  کے علاقے  ملک خیل میں دہشت گردوں کے خفیہ ٹھکانے پر آپریشن کیا گیا۔

دوران آپریشن فائرنگ کے تبادلے میں کمانڈر رحمت سمیت دو دہشت گرد مارے گئے۔

دہشت گردوں سے فائرنگ کے شدید تبادلے میں حوالدار شہزاد رضا شہیدہوگئے۔

 ہلاک دہشت گرد رحمت عرف خالد آئی ای ڈیز  کا ماہر تھا۔ ہلاک دہشت گرد سیکیورٹی فورسز پر حملوں، اغوا برائے تاوان اور بھتہ خوری کے جرائم میں ملوث تھا۔

سرچ آپریشن کے دوران سیکیورٹی فورسز نے بڑی تعداد میں ہتھیار  بھی برآمد  کیے۔