لاہور میں سیالکوٹ موٹروے زیادتی کیس کا فیصلہ عدالت نے محفوظ کر لیا تھا جو کہ آج سنایا جائے گا۔

خیال رہے کہ انسداد دہشتگردی عدالت میں  رنگ روڈ زیادتی کیس کی متاثرہ اور مدعی کا بیان قلمبند کیا گیا تھا جو کہ متاثرہ خاتون نے تین گھنٹے سے زاٸد جیل میں موجود رہ کر بیان قلمبند کرایا تھا۔

علاوہ ازیں عدالت نے مقدمہ کے تمام گواہوں کے بیانات سمیت ملزمان کے بیانات بھی  قلمبند کیے تھے۔

واضح رہے کہ 9 ستمبر 2020ء کو منگل اور بدھ کی درمیانی شب سیالکوٹ موٹروے پر گجرپورہ کے علاقے میں 2 مسلح افراد نے ایک خاتون کو اس وقت زیادتی کا نشانہ بنایا تھا جب وہ گاڑی بند ہونے پر اپنے بچوں کے ہمراہ مدد کی منتظر تھی۔