آرمی چیف جنرل قمر جاوید باجوہ کا کہنا ہے کہ  امید ہے پاک فضائیہ بہترین کمانڈ کے تحت نئی بلندیوں کو چھوئے گی۔

پاک فوج کے شعبہ تعلقات عامہ (آئی ایس پی آر) کے مطابق  پاک فضائیہ کے نئے سربراہ ایئر چیف مارشل ظہیر احمد بابر کی آرمی چیف جنرل قمر جاوید باجوہ سے جی ایچ کیو میں ملاقات ہوئی۔

آرمی چیف نے پاک فضائیہ کی کمان سنبھالنے پر ایئر چیف ظہیر احمد بابر کو مبارکباد پیش کی۔

جنرل قمر جاوید باجوہ نے پاک فضائیہ کے نئے سربراہ کے لیے نیک خواہشات کا اظہارکرتے ہوئے کہا کہ  امید ہے پاک فضائیہ بہترین کمانڈ کے تحت نئی بلندیوں کو چھوئے گی۔