محکمہ داخلہ سندھ کی جانب سے کورونا کی صورتحال سے متعلق نیا نوٹیفکیشن جاری کردیا گیا ہے۔

جاری کردہ نوٹیفکیشن کے مطابق تمام پارکوں کے کھلنے اور بند ہونے کے وقت کی پابندی اور پچاس فیصد ملازمین کو گھر سے کام کرانے کی پابندی ختم کردی گئی ہے۔

محکمہ داخلہ سندھ کے نوٹیفکیشن میں اجازت دی گئی ہے کہ اب سے تمام ہوٹلز بھی آوٹ ڈور ڈائنگ جاری رکھ سکتے ہیں۔

 تاہم انڈور شادیوں، انڈور ڈائننگ اور سینما کھولنے کے بارے میں 10 مارچ کو این سی او سی کے اجلاس میں فیصلہ کیا جائے گا۔

پچاس فیصد تماشائیوں کو میچ میں جانے اور شادی میں تین سو افراد کو شرکت کی اجازت ہوگی جبکہ بوفے سسٹم کی تاحال اجازت نہیں دی گئی ہے۔

محکمہ داخلہ سندھ  کے مطابق رات دس بجے تک شادی کی تقریبات جاری رکھی جاسکتی ہیں۔