وزیراعلیٰ عثمان بزدار نے ایکسپو سینٹر میں کورونا ویکسینیشن کاؤنٹرز کا دورہ کیا ہے۔

دورہ کے دوران وزیراعلیٰ عثمان بزدار نے بزرگ شہریوں کو کورونا ویکسین لگانے کے عمل کا جائزہ لیا اور ایکسپو سینٹر میں بزرگ شہریوں کیلئے فراہم کردہ سہولتوں کا معائنہ کیا۔

وزیراعلیٰ عثمان بزدار نے ہیلتھ ورکرز کی خدمات کو سراہا جبکہ بزرگ شہریوں نے ایکسپو سینٹر میں مہیا کی گئی سہولتوں پر اطمینان کا اظہار کیا ہے۔

وزیراعلیٰ عثمان بزدار نے ویکسینیشن کیلئے آئے بزرگ شہریوں سے سہولتوں کے بارے میں دریافت کرتے ہوئے کہا ہے کہ کورونا کی حالیہ لہر خطرناک صورتحال اختیار کر رہی ہے جس کے لئے حکومت نے عوام کی زندگیو ں کی حفاظت کیلئے ضروری اقدامات کئے ہیں۔

انہوں نے کہا ہے کہ موجودہ حالات میں عوامی اجتماعات کرنا کوئی دانش مندی نہیں ہے اور ذاتی مفادات کی خاطر زندگیوں سے کھیلنا سنگدلی ہے۔