وزیراعظم عمران خان نے کہا ہے کہ امید ہے صادق سنجرانی پہلے کی طرح بہترین ایوان چلائیں گے۔

تفصیلات کے مطابق وزیراعظم عمران خان کو چیئرمین سینیٹ کے انتخاب کے نتائج سے آگاہ کردیا گیا۔

وزیراعظم عمران خان نے صادق سنجرانی کو مبارکباد پیش کرتے ہوئے کہا کہ امید ہے صادق سنجرانی پہلے کی طرح بہترین ایوان چلائیں گے۔

خیال رہے کہ حکومتی امیدوار صادق سنجرانی دوبارہ چیئرمین سینیٹ منتخب ہوگئے۔

سابق چیئرمین سینیٹ و حکومتی امیدوار صادق سنجرانی مسلسل دوسری بار چیئرمین سینیٹ منتخب ہوئے ہیں۔

چیئرمین سینیٹ کے عہدے کے لیے حکومتی اتحاد کی جانب سے صادق سنجرانی کا مقابلہ پی ڈی ایم کے مشترکہ امیدوار یوسف رضا گیلانی کے ساتھ ہوا۔

ووٹنگ کے دوران سینیٹ کے 100 میں سے 98 ارکان نے اپنا حق رائے دہی استعمال کیا۔ صادق سنجرانی نے 48 جبکہ یوسف رضاگیلانی نے 42 ووٹ حاصل کیے۔

پی ڈی ایم کے امید وار یوسف رضا گیلانی کے سات ووٹ  جبکہ  صادق سنجرانی کے ایک ووٹ پراعتراض ہوا۔