پاکستان پیپلز پارٹی کی اکثریت اسمبلیوں سے استعفوں کی مخالف ہے۔

ذرائع کے مطابق پیپلز پارٹی کے سی ای سی اراکین نے استعفوں پر تحفظات سے قیادت کو آگاہ کر دیا ہے۔

ذرائع کا کہنا ہے کہ سی ای سی کے ممبران کی بڑی تعداد استعفوں کی مخالف ہے،  سی ای سی اجلاس میں استعفوں کی مخالفت سامنے آنے کا امکان ہے۔

پارٹی اراکین کا کہنا ہے کہ  پارلیمان سے استعفوں کا فیصلہ دانشمندانہ نہیں ہو گا۔ پارلیمان سے استعفوں سے منفی تاثر ابھرے گااور استعفے دینا پی ٹی آئی  کے لیے میدان خالی چھوڑنے جیسا ہے۔

ذرائع کا کہنا ہے کہ حکومت استعفوں کے بعد ایوان میں دو تہائی اکثریت لینے کی خواہشمند ہے۔ حکومت اپوزیشن کے پارلیمان سے استعفوں کی خواہشمند ہے،  پارلیمان سے استعفوں کا مطلب حکومت کی خواہش پوری کرنا ہے۔

ذرائع کا مزید کہنا ہے کہ اپوزیشن کے استعفوں سے حکومت کی مشکل آسان ہو جائے گی،  استعفوں پر حکومت 18 ویں ترمیم  کا خاتمہ اور اپنی مرضی کی قانون سازی کرے گی۔ استعفے صرف حکومت گرنے کی گارنٹی پر دیئے جائیں۔