سپریم کورٹ نے این اے 75 ڈسکہ کے نتائج پر پی ٹی آئی امیدوار کی جانب سے الیکشن کمیشن کا حکم معطل کرنے کی استدعا مسترد کردی ہے۔

سپریم کورٹ میں این اے 75 ڈسکہ میں دوبارہ انتخابات کیخلاف پی ٹی آئی کی درخواست پر سماعت ہوئی ہے۔

عدالت نے الیکشن کمیشن کا حکم معطل کرنے کی استدعا مسترد کردی جبکہ عدالت حکم امتناع کی درخواست کا جائزہ آئندہ سماعت پر لے گی۔

سپریم کورٹ نے این اے 75 ڈسکہ ضمنی انتخابات سے متعلق الیکشن کمیشن سے تفصیلی جواب طلب کرلیا، سپریم کورٹ الیکشن کمیشن کے جواب کا جائزہ لینے کے بعد حکم امتناعی کی درخواست پر فیصلہ جاری کرے گی۔

سپریم کورٹ میں پی ٹی آئی کی درخواست پر سماعت منگل تک ملتوی کردی گئی ہے۔