سینیٹر شبلی فراز نے کہا ہے کہ ملکی ترقی اور زرعی شعبے کا فروغ  کسان کی خوشحالی سے وابستہ ہے اور کسانوں کی خوشحالی  اور ترقی وزیراعظم عمران خان کا مشن ہے۔

شبلی فراز کا کہنا تھا کہ گندم کی امدادی قیمت 1800 روپے فی من مقرر اور سستے آٹے کے لیے سبسڈی کا اعلان وزیراعظم عمران کی کسان دوستی کا واضح ثبوت ہے۔

انہوں نے کہا ہے کہ پاکستان تحریک انصاف کی وفاقی اور صوبائی حکومتیں عام آدمی کو سستے داموں آٹے کی فراہمی یقینی بنانے کے لیے پرعزم ہیں۔

انہوں نے بتایا ہے کہ گندم کی امدادی قیمت میں اضافے کے باوجود آٹا مہنگا نہیں ہوگا، صارفین کو فائدہ پہنچانے کے لئے سبسڈی دے رہے ہیں۔

شبلی فراز نے یقین دہانی کرائی ہے کہ حکومت ذخیرہ اندوزی کو  روکنے کے لیے لئے اقدامات یقینی بنائے گی۔